الرئيسية
البوابه
أحدث الصور
التسجيل
يا غربه انا من البدايه يا غربه بتحمل وخلاص تعبت صعب انا اكمل
ايه يا بلاد غريبه عدوه ولا حبيبه بالليل تسهر عيوني ونجومك مش قريبه
سبت بلدي وارتميت في احضانك وتلونت علي كل لون من الوانك
سبت بلدي وكنت فاكر اني هكون من احبابك لكن قفلتي في وشي كل باب من ابوابك
انا حاسس اني في غربتي اني غريب والخوف دايما بقي مني قريب
راح فين الامان وراحه البال راح كل حاجه واتغير الاحوال
انا عرفت ليه دلوقتي سموكي غربه عشان فيكي الحياه غريبه ومره
وعلي فين كده يا غربه وخداني وبعداني عن اهلي وحبايبي وخلاني
انا خلاص بقيت وحداني ومن جوايا بقيت انسان تاني
ودايما الغربه يا ناس بتاخد اكتر ما بتدي وكفايه انها قطعت بالناس ودي
وحشتيني يا بلدي ووشوش الناس الطيبين وضحكتهم الجميله المرسومه علي الجبين
محروسه يا بلدي من عيني ومن كل عين بحبك من غير ما احلف يمين
بحبك يا بلدي مهما عملتي فيه وكنوزك فيكي بس هيه المداريه
يلا يا شباب بأدينا نخرج كنزها بدل ما نتغرب ونمشي وندوسها
وحد فينا ينسي البلد اللي فيها اتولد وكبر واتربي وبقي احسن ولد
بأدينا نرفعها وتكون افضل بلد واوعدكم ساعتها هتكون ليكم احسن سند